"PSJ" hujumchisi Anxel Di Mariya kelasi hafta rasman "Yuventus" futbolchisiga aylanishi mumkin, deb yozadi jurnalist Adryen Grenyer.
Manbaning xabariga ko‘ra, turinliklar va futbolchi shartnomani yakunlashga yaqin turibdi. Bir necha haftadan beri muzokaralar davom etmoqda.
Avvalroq 34 yoshli futbolchi "PSJ" bilan shartnomani uzaytirishi mumkinligi haqida xabarlar tarqalgan edi.
Di Mariyaning fransuz grandi bilan amaldagi shartnomasi mavsum oxirida yakuniga yetadi.
Joriy mavsumda u Liga-1'ning 24 ta uchrashuvida 3 ta gol va 6 ta golli uzatmaga mualliflik qildi.
