"Барселона" бош мураббийи Хави Эрнандес "Бавария" ҳужумчиси Роберт Левандовскининг Каталония клубига ўтиши ҳақидаги миш-мишларга яна бир бор изоҳ берди.
"Агар у билан шартнома имзолаш имконияти бўлса, мен футболчининг ёшига аҳамият бермайман. Биз Дани Алвеш билан 38 ёшида шартнома имзоладик. Левандовски каби футболчиларга ортиқча изоҳ шарт эмас. Шунингдек, Месси, Модрич, Роналду ва Ибраҳимовични ҳам мисол қилиб келтириш мумкин”, - деди Хави матбуот анжуманида.
Эслатиб ўтамиз, "Бавария" раҳбарияти яқинда Левандовскининг агенти Пини Захавига польшалик шартномасини охиригача ўйнаб беришга мажбур эканлиги ҳақида айтгани хабар берилган эди..
