"Барселона" бош мураббийи Хави ярим ҳимоячи Френки де Йонгнинг "Манчестер Юнайтед"га ўтиши ҳақидаги миш-мишларга изоҳ берди.
"Френки биз учун муҳим футболчи, мен билан у деярли доим асосий таркибда ўйнаган, аммо кўп нарса клубдаги иқтисодий вазиятга боғлиқ. Де Йонг кўп йиллар давомида "Барселона"нинг асосий ўйинчиси бўлиши мумкин, аммо вазият қандай бўлишини кўрамиз", - деди Хави.
2021/22 йилги мавсумда Френки “Барселона” сафида 45 та ўйинда майдонга тушиб, 4 та гол урди ва 5 та голли узатмани амалга оширди. Transfermarkt.com портали нидерландиялик футболчининг нархини 70 миллион еврога баҳоламоқда.
