"Barselona" bosh murabbiyi Xavi yarim himoyachi Frenki de Yongning "Manchester Yunayted"ga o‘tishi haqidagi mish-mishlarga izoh berdi.
"Frenki biz uchun muhim futbolchi, men bilan u deyarli doim asosiy tarkibda o‘ynagan, ammo ko‘p narsa klubdagi iqtisodiy vaziyatga bog‘liq. De Yong ko‘p yillar davomida "Barselona"ning asosiy o‘yinchisi bo‘lishi mumkin, ammo vaziyat qanday bo‘lishini ko‘ramiz", - dedi Xavi.
2021/22 yilgi mavsumda Frenki “Barselona” safida 45 ta o‘yinda maydonga tushib, 4 ta gol urdi va 5 ta golli uzatmani amalga oshirdi. Transfermarkt.com portali niderlandiyalik futbolchining narxini 70 million yevroga baholamoqda.
