“Ливерпул” ярим ҳимоячиси Жордан Хендерсон клуб тарихида олти хил соврин ютган биринчи сардорга айланди.

Англиялик футболчи “Ливерпуль” билан бирга Англия кубоги соҳибига айланди. Бунгача Хендерсон мерсисайдликлар билан Англия чемпионати, Чемпионлар лигаси, Европа суперкубоги, Англия лига кубоги ва клублар ўртасидаги жаҳон чемпионатида ҳам ғалаба қозонган. Бунгача “Ливерпуль” сардорларининг ҳеч бири бундай коллекция йиға олмаган.

Эслатиб ўтамиз, Англия кубоги финалида Юрген Клопп шогирдлари Лондоннинг “Челси” жамоасини пенальтилар сериясида мағлуб этганди.