"Наполи" бош мураббийи Лучано Спалетти клубнинг янги афсонасига айланган Лоренцо Инсиньенинг кетиши ҳақида гапирди.
Бугун 30 ёшли вингер Торонтога жўнаб кетиш олдидан неаполликлар сафидаги сўнгги уй ўйинини ўтказди. "Женоа"га қарши учрашув "Наполи"нинг ғалабаси (3:0) билан якунланди ва Инсинье пенальтидан гол урди.
"Унинг кетиши ачинарли. Баъзида футболчилардан норози бўламиз, танқид қиламиз, лекин улар кетганидан кейин афсусланиб, уларни соғинишни бошлаймиз. Лоренцо ўз тасаввури ёрдамида ўзига хос ечимларни топа оладиган футболчилардан биридир. Ёш болалар Инсинье, Тотти, Дель Пьеро, Баджо кабилар туфайли футболчи бўлишни орзу қиладилар”, - деди “Наполи” устози Спалетти ўйиндан кейинги матбуот анжуманида.
