"Napoli" bosh murabbiyi Luchano Spaletti klubning yangi afsonasiga aylangan Lorenso Insinyening ketishi haqida gapirdi.
Bugun 30 yoshli vinger Torontoga jo‘nab ketish oldidan neapolliklar safidagi so‘nggi uy o‘yinini o‘tkazdi. "Jenoa"ga qarshi uchrashuv "Napoli"ning g‘alabasi (3:0) bilan yakunlandi va Insinye penaltidan gol urdi.
"Uning ketishi achinarli. Ba’zida futbolchilardan norozi bo‘lamiz, tanqid qilamiz, lekin ular ketganidan keyin afsuslanib, ularni sog‘inishni boshlaymiz. Lorenso o‘z tasavvuri yordamida o‘ziga xos yechimlarni topa oladigan futbolchilardan biridir. Yosh bolalar InsinYE, Totti, Del Pyero, Badjo kabilar tufayli futbolchi bo‘lishni orzu qiladilar”, - dedi “Napoli” ustozi Spaletti o‘yindan keyingi matbuot anjumanida.
