"Бавария" яримҳимоячиси Арьен Роббен Лондоннинг "Челси"сига қарши кечиши кутилаётган Европа чемпионлар Лигаси финали олдидан ўз фикрлари билан ўртоқлашди.
"Босим остида ўйнашни уддалай олсак керак. Умуман олганда, "Бавария" босим остида ўзининг энг яхши сифатларини намоён қилади.
Финални ўз жонажон аренамизда ўтказишимизга келсак, бу жуда ажойиб ҳол, айниқса клубдан анчадан буён тўп сураётганлар учун.
"Челси"да ўйнаганларимдан яхши хотира қолган. Уларнинг чемпионлар Лигаси финалига чиққанидан хурсандман.
Эҳтимол, "Челси" у даражада жозибадор футбол кўрсата олмас, лекин уларнинг ўйини самарали. Боз устига, жамоада бир неча етук футболчилар мавжуд, масалан, Дидье Дрогба.
Мен уларнинг "Барселона"га қарши кечган ўйинини томоша қилдим, "Челси" ҳимояда беназир ўйин кўрсатди. Лекин уларни хафа қилишга мажбурман: финалда биз ғалаба қозонамиз", — дея Роббен сўзларидан иқтибос келтиради Voetbal International.