"Барселона" президенти "Валенсия" раҳбарлари билан учрашди.
Жоан Лапорта Анил Мурти ва Жоу Лим билан тушлик қилди. Журналист Эктор Гомеснинг ёзишича, улар “Барселона” президентига Хосе Гайа ва Карлос Солерни сотиб олишни таклиф қилишган. Бироқ, ҳозирда "Барселона"даги иқтисодий вазият туфайли Лапорта бу трансферларни амалга ошира олмаслигини маълум қилди.
Қайд этилишича, "Барселона" Солерни Френки де Йонг кетган тақдирда ярим ҳимояни кучайтира оладиган футболчи сифатида кўрмоқда, аммо бу клуб учун устувор вариант эмас.
"Барселона" агар Маркос Алонсони қўлга кирита олмаса, чап қанот ҳимоясини кучайтириш учун Гайа билан шартнома имзолаши мумкин.