"Наполи" бош мураббийи Лучано Спаллетти клуб билан шартномаси бир йилдан кейин тугайдиган ҳимоячи Калиду Кулибалини жамоада сақлаб қолиш учун бор кучи билан ҳаракат қилмоқда.
La Gazzetta dello Sport хабарига кўра, Спаллетти ёзда "Торонто" клубига текинга ўтадиган клуб тарбияланувчиси Лоренцо Инсинье ўрнига Кулибалини "Наполи"нинг янги сардори қилишга тайёр.
Эслатиб ўтамиз, аввалроқ футболчининг агенти ўз мижози хизматларини Англия Премьер-лигасининг етакчи клубларига таклиф қилганди. Улар орасида фақат ҳимоя марказини кучайтириши керак бўлган "Манчестер Юнайтед" ва "Челси" клублари бор .
