"Реал" ҳужумчиси Гарет Бэйлнинг агенти Жонатан Барнетт футболчининг "Кардифф"га ўтиши мумкинлигини тан олди.

"Гаретнинг фаолиятидаги кейинги қадамни пулга ҳеч қандай алоқаси йўқ. У билан барча масалаларни Уэльс терма жамоасининг июнь ойидаги ўйинларидан кейин муҳокама қиламиз.

Бэйл терма жамоа ўйинларидан сўнг бир қарорга келади.
У "Кардифф"га ўтиши мумкинми? Ким билади? Келинг, воқеалар қандай бўлишини кўрамиз.

Ҳозирча бизда ҳеч қандай таклиф йўқ, лекин бу вариант жуда кўп афзалликларга эга. Мен у билан бу масалани ҳали муҳокама қилмаганман", - деди Барнетт.

2021/22 йилги мавсумда Бэйл “Реал”нинг 7 та учрашувида қатнашиб, 1 та гол урган.

32 ёшли уэльслик футболчининг "Қироллик клуби" билан шартномаси 2022 йилнинг июнь ойи охиригача амал қилади.