"Ювентус" "Лос-Анжелес Гэлакси"га ўтиши мумкин бўлган ҳимоячи Жоржио Кьеллинининг ўрнига номзодларни аниқлади.

"Бьянконерилар" "Барселона" қизиқиш билдираётган "Арсенал" футболчиси Габриэл, шунингдек, "Наполи" ҳимоячиси Калиду Кулибали вариантини кўриб чиқмоқда.

Туринликлар аввалроқ "Челси" ҳимоячиси Антонио Рюдигер билан алоқа ўрнатган эди, аммо у "Реал Мадрид" футболчиси бўлишга қарор қилди.

Кулибалининг “Наполи” билан шартномаси 2023 йилнинг июнида якунига етади. Transfermarkt портали ҳимоячини 45 миллион еврога баҳоламоқда.

24 ёшли Габриэлнинг "Арсенал" билан шартномаси 2025 йилнинг ёзига қадар мўлжалланган. Transfermarkt ҳимоячини 30 миллион еврога баҳолаган.