Миланнинг “Интер” клуби хўжайинлари жамоа бош мураббийи Симоне Индзаги фаолиятидан мамнун ва у билан янги шартнома имзолаш борасида музокаралар олиб бормоқда.
Инсайдер Николо Скиранинг тарқатган маълумотига қараганда, “нерадзуррилар” мутахассисга 2024 йилнинг ёзига қадар мўлжалланган янги шартнома таклиф қилган. Шартномага "Интер" бир мавсумга узайтириш имконияти ҳақида банд ёзмоқчи.
"Интер" клуби Индзагининг маошини 4,2 миллион евродан 5,3 миллионга оширишга тайёр.
46 ёшли мутахассис ўтган йилнинг июнь ойида “Интер” бош мураббийи лавозимини эгаллаган эди. Унинг амалдаги шартномаси 2022/2023 йилги мавсум охиригача амал қилади.
