Англиянинг "Ливерпуль" клубига янги мураббий этиб ҳозирда "Уиган"ни бошқариб келаётган Роберто Мартинес тайинланиши мумкин. Бу ҳақда Goal.com интернет нашри хабар тарқатмоқда.
Манбанинг маълум қилишича, испаниялик мутахассис ҳозирда Кенни Далглишнинг ўрнини эгаллаши мумкин бўлган номзодлар ичида фаворит саналмоқда.
Маълумотларга қараганда "Ливерпуль" клуби раҳбарияти мураббий билан музокараларни бошлаб юборган. Бироқ ҳозирча шартноманинг молиявий шартлари борасида аниқ маълумотлар берилмаган.
Эслатиб ўтамиз, Мартинес бошчилигида "Уиган" Англия премьер-лигасида мавсумни 15-ўринда якунлади.
