"Барселона" ҳимоячиси Самуэль Умтити фаолиятини "Арсенал"да давом эттириши мумкин. Футболчи катта эҳтимол билан мавсум якунида Каталония клубини тарк этади.
Лондон клуби футболчини узоқ вақтдан бери кузатиб келмоқда ва бош мураббий Микель Артета уни ёзги трансфер ойнасида сотиб олиш ҳақида ўйламоқда, деб хабар беради Diario Sport.
Умтити "Барселона"га "Лион"дан келиб қўшилган ва "Камп Ноу"даги фаолиятини ажойиб бошлади, бироқ кўплаб жароҳатлар футболчининг Каталония клубидаги фаолиятига нуқта қўйди.
Жорий мавсумда футболчи Ла Лигада атиги 1 та ўйин ўтказди.
