Эртага — 19 май куни Биринчи лига-W мавсуми учун қуръа ташланади ва жараён ЎзПФЛ тармоқлари орқали 11:00 дан бошлаб онлайн намойиш этилади. 

Жорий мавсумда ҳам Олий лига йўлланмаси учун 5 та жамоа кураш олиб боради: АГМК II, “Бухоро-W”, “Сурхон-W”, “Динамо-W”, “Андижон-W”. Мавсум якунига кўра биринчилик ғолиби Олий лига йўлланмасини қўлга киритади. Регламентга кўра, агар АГМК-W асосий жамоаси Олий лигадаги ўрнини сақлаб қолса, у ҳолда АГМК II жамоаси ҳар қандай ҳолатда ҳам элита йўлланмасини қўлга кирита олмайди. 

Мусобақа формати ўзгаришсиз қолган. Бунда учрашувлар навбатда-навбат марказлашган тартибда 5 та шаҳарда ўтказилади: Термиз, Самарқанд, Бухоро, Андижон. Сўнгги турга Тошкент мезбонлик қилади. Қолган 4 та шаҳар кетма-кетлиги қуръа ёрдамида аниқлаб олинади. Шу тариқа жамоалар мавсум якунига қадар жами 12 тадан ўйинда ва умумий 15 та турда иштирок этади. 

Режага кўра дастлабки уч тур учрашувлари 6-10 июнь кунлари, кейинги учлик учрашувлари эса 23-27 июнь саналарида бўлиб ўтади.