"Загреб" клубнинг собиқ бош мураббийи Игор Штимац ЕВРО-2012 ниҳоясига етгач, Хорватия миллий терма жамоаси бош мураббийига айланса, хорват футболининг афсонаси Давор Шукер Хорватия футбол федерацияси президентига айланади.
Игор Штимац Москванинг "Локомотив" клубига ўтиш аниқ бўлган Биличнинг ўрнини эгаллаши аниқ бўлиб улгурди.
"Терма жамоани бошқаришдан хурсандман. Айниқса Давор Шукердек футбол одами билан ишлашни умуман кутмагандим".
"Келинг келажак борасида кейинроқ гаплашамиз. Ҳозир барча диққат-эътиборимиз терма жамоамизнинг Европа чемпионатида иштирок этишига қаратилган", дейди Штимац.
Қўшимча қилиб ўтиш жоиз, Хорватия футболининг собиқ юлдузи Давор Шукер ХФФ президентлигига бу лавозимда 14 давомида ишлаб келган Влатко Марковичнинг ўрнини эгаллайди, деб ёзади Croatian Times нашри.