“Манчестер Юнайтед” ярим ҳимоячиси Пол Погба ёзда “Манчестер Сити” сафига кўчиб ўтишдан бош тортди.
Инсайдер Пол Баллуснинг фикрига кўра, франциялик футболчи аввалига “Манчестер Сити” билан шахсий шартнома шартларини келишиб олган, бироқ “Манчестер Юнайтед” мухлисларининг муносабатидан қўрқиб, "шаҳарликлар" сафига ўтиш ҳақидаги фикрини ўзгартирган.
Аввалроқ «шаҳарликлар» бош мураббийи Хосеп Гвардиола Погбани жуда яхши кўриши таъкидланганди. Мураббий ўз таркибини франциялик футболчи билан кучайтирмоқчи эди, аммо энди бу келишув амалга ошмайдиган кўринади.
Погбанинг трансфери учун асосий давогарлар Туриннинг “Ювентус” ва “ПСЖ” клублари бўлиб турибди.
