Футзал Олий лигасида 2021/22 йилги мавсум ўз ниҳоясига етмоқда. Ўзбекистон Профессионал футбол лигаси одатга кўра, мавсумнинг энг яхши мураббийи ва футзалчисини аниқлаб келмоқда. Жорий мавсумдан энг яхшилар сўровнома ўтказиш орқали аниқлаб олинади.

Унда Олий лига жамоалари бош мураббийлари ва сардорлари ҳамда мухлислар иштирок этишади. Олий лиганинг 12 жамоаси бош мураббийлари ҳамда сардорлари кўрсатилган номзодларни учталикка жойлаштириб чиқади.

Мавсум 2021/22 нинг энг яхши мураббий бўлиш учун номзодлар

Шуҳрат Ташмедов (“Пахтакор”)
Александр Петров (АГМК)
Баҳодир Аҳмедов (“Жиззах Кентекс”)
Аҳаджон Юсупов (“Локомотив”)
Абдулла Бўриев (“Бунёдкор”)

Мавсум 2021/22 нинг энг яхши футзалчиси бўлиш учун номзодлар

Ҳусниддин Нишонов (“Жиззах Кентекс”)
Феруз Фахриддинов (“Пахтакор”)
Музаффар Аҳаджонов (АГМК)
Акбар Усмонов (“Локомотив”)
Даврон Чориев (“Жиззах Кентекс”).

Шунингдек, ЎзПФЛ ушбу овоз бериш жараёнида championat.asia, sports.uz, tribuna.uz, stadion.uz нашрларидан ҳам овозлар олади.
Дастлабки ўринда кўрсатилган номзод 3, мос равишда кейинги икки ўриндагилар 2 ва 1 очколик бўлади. ЎзПФЛ томонидан футбол мухлислари ўртасида ўтказилган сўровнома натижаси эса бош мураббийлар, жамоа сардорлари ҳамда спорт нашрлари ўртасида ўтказилган сўровнома натижаларига қўшилади. Бунда мухлислар овози катта аҳамиятга эга бўлиб, биринчи ўринни эгаллаган номзод 6, мос равишда кейингилар 4 ва 2 очкодан қўлга киритади. Якунда энг кўп балл тўплаганлар мавсумнинг энг яхшилари сифатида эътироф этилади.