"Ньюкасл" бош мураббийи Эдди Хау янги шартнома имзолашга тайёр.

Daily Mail тарқатган хабарга кўра, мутахассис 2022/23 йилги мавсум бошигача шартномани узайтиришга умид қилмоқда. Унинг амалдаги шартномаси 2024 йилгача мўлжалланган. Раҳбарият мураббийнинг кўрсатаётган натижасидан қониқиш ҳосил қилмоқда.

Хау 2021 йилнинг ноябрь ойида истеъфога чиқарилган Стив Брюснинг ўрнини эгаллаган.

44 ёшли англиялик мураббий қўл остида "Ньюкасл" Премьер-лигада 25та ўйин ўтказиб, уларнинг 12тасида рақибларини мағлуб этишди ва бу уларга Чемпионшипга тушиб кетишдан ишончли тарзда ҳимояланиш имконини берди.

Айни пайтда клуб 37-турдан кейин 46 очко билан Премьер-лигада 12-ўринда бормоқда.