"Аталанта" раҳбарияти келаси мавсумда бош мураббийи Жан Пьеро Гасперинини қолдиришга қарор қилди. Аввалроқ, италиялик мавсум якунида клубни тарк этиши мумкинлиги ҳақида миш-мишлар тарқалган эди.
Cалcиомерcато хабарига кўра, А Сериянинг сўнгги тури олдидан “Аталанта” раҳбарияти ниҳоят мураббийнинг келажаги борасида бир қарорга келган. Эслатиб ўтамиз, Гасперинининг ўзи бир неча ҳафта олдин унинг клубдаги келажаги сўроқ остида эканини айтган эди.
Бу мавсумни “Аталанта” еврокубоклардан ташқарида якунланиши мумкин. Бунгача бергамаскликлар Гасперини қўл остида кетма-кет уч марта Чемпионлар лигасига йўл олишганди.
