УEФА 2023 йилги Европа Суперкубок учрашувини Россиянинг Қозон шаҳридан бошқа мамлакатга кўчириш бўйича ишлар олиб бормоқда.

ESPN хабарига кўра, УEФА мутасаддилари ҳозирда ўйин ўтказиш учун янги стадион қидирмоқда.

Қозон 2020 йилда УEФА Суперкубогини ўтказиш ҳуқуқини қўлга киритди. Учрашув "Ак Барс Арена"да бўлиб ўтиши кутилганди.

Аввалроқ Россиянинг барча жамоалари кейинги мавсум учун УEФА таснифидаги халқаро турнирларда иштирок этишдан четлаштирилган эди. Санкт-Петербургнинг "Зенит" клуби стадиони ҳисобланган "Газпром Арена" эса 2022 йилги Чемпионлар лигаси финали ўйинни ўтказиш ҳуқуқидан маҳрум этилди. Учрашув 28 май куни Парижда бўлиб ўтади.

Маълумот ўрнида, 2022 йилги Суперкубок учрашуви 10 август куни Хельсинкида бўлиб ўтади.