Daily Mail хабарига кўра, "Арсенал" ярим ҳимоячи Букайо Сакани ўз жамоасида сақлаб қолмоқчи.
20 ёшли футболчининг шартномаси тугашига икки йил қолди ва "канонирлар"да қўшимча 12 ойни фаоллаштириш имконияти бор, аммо клуб футболчини узоқроқ муддат ўз сафида сақлаб қолмоқчи.
Манбага кўра, Сака "Арсенал"да бахтли ва жамоа бош мураббийи Микел Артета билан яхши муносабатда, бироқ вингер УЕФА Чемпионлар лигасида ўйнашни хоҳлайди ва бу факт клуб Премьер-лигада кучли тўртликка кира олмаса, музокараларни мураккаблаштириши мумкин.
АПЛ жорий мавсумида Сака "Арсенал" таркибида 37 та ўйин ўтказиб, 11 та гол урди ва 6 та голга ассистентлик қилди.
