Daily Mail xabariga ko‘ra, "Arsenal" yarim himoyachi Bukayo Sakani o‘z jamoasida saqlab qolmoqchi.
20 yoshli futbolchining shartnomasi tugashiga ikki yil qoldi va "kanonirlar"da qo‘shimcha 12 oyni faollashtirish imkoniyati bor, ammo klub futbolchini uzoqroq muddat o‘z safida saqlab qolmoqchi.
Manbaga ko‘ra, Saka "Arsenal"da baxtli va jamoa bosh murabbiyi Mikel Arteta bilan yaxshi munosabatda, biroq vinger UYEFA Chempionlar ligasida o‘ynashni xohlaydi va bu fakt klub Premyer-ligada kuchli to‘rtlikka kira olmasa, muzokaralarni murakkablashtirishi mumkin.
APL joriy mavsumida Saka "Arsenal" tarkibida 37 ta o‘yin o‘tkazib, 11 ta gol urdi va 6 ta golga assistentlik qildi.
