Футзал бўйича Осиё чемпионати учун саралаш босқичи якунига етиб, қитъа чемпионатида иштирок этадиган 16та жамоа номи аниқ бўлди.

ОФК мусобақанинг финал босқичига қуръа ташлаш маросимини 25 май куни ўтказади. Қуръадан аввал эса Ўзбекистон футзал терма жамоаси 1-саватчадан ўрин олди. Ушбу саватда, шунингдек, Осиё чемпионати мезбони Кувайт, 2018 йилги қитъа чемпионати ғолиби ва финалчиси — Эрон ва Япония жой олишган. Вакилларимиз бу жамоалар билан бир гуруҳдан ўрин олишмайди.

Осиё чемпионати 2022 йилнинг 25 сентябридан 20 октябрига қадар муддатда бўлиб ўтади.