Futzal bo‘yicha Osiyo chempionati uchun saralash bosqichi yakuniga yetib, qit’a chempionatida ishtirok etadigan 16ta jamoa nomi aniq bo‘ldi.
OFK musobaqaning final bosqichiga qur’a tashlash marosimini 25 may kuni o‘tkazadi. Qur’adan avval esa O‘zbekiston futzal terma jamoasi 1-savatchadan o‘rin oldi. Ushbu savatda, shuningdek, Osiyo chempionati mezboni Kuvayt, 2018 yilgi qit’a chempionati g‘olibi va finalchisi — Eron va Yaponiya joy olishgan. Vakillarimiz bu jamoalar bilan bir guruhdan o‘rin olishmaydi.
Osiyo chempionati 2022 yilning 25 sentyabridan 20 oktyabriga qadar muddatda bo‘lib o‘tadi.
