"Милан" ва Бразилия терма жамоасининг собиқ ҳимоячиси Кафу ўзини "Ливерпуль" футболчиси Трент Александр-Арнольд билан таққослади.
Бразилиялик собиқ футболчи 23 ёшли англиялик ҳимоячининг ривожланишини кузатиб бораётганини таъкидлаб, уни дунёдаги энг яхши ўнг қанот ҳимоячиларидан бири деб атаган.
“Трент катта тажрибага эга ва мен у билан ўртамизда кўп умумий томонларни кўраман. У ҳам мен каби иродали ва ҳужумга ўтиш хоҳишига эга”, - деди Кафу BBC билан суҳбатда.
Жорий мавсумда Александр-Арнольд 45 учрашувда 2 та гол ва 19 та голли узатмага муаллифлик қилди.
