Россия чемпионатининг сўнгги 30-турида "Рубин" ва "Уфа" жамоалари ўзаро тўқнаш келишди ва бу ўйин Премьер-лигани тарк этадиган жамоа номига ойдинлик киритиб берди. Қозонликларни мазкур баҳсда дуранг ҳам қаноатлантирса, меҳмонларга фақат ва фақат ғалаба керак эди.

Биринчи бўлим тугашига 8 дақиқа қолганида ҳакам "Уфа" дарвозасига томон пенальти белгилади ва уни Лисакович аниқ амалга ошириб, ҳисобни очди.

Иккинчи бўлим бошида Камилов ҳисобни тенглаштирган бўлса, 90-дақиқа Ортис "Уфа"ни олдинга олиб чиқди. Ҳакам эса иккинчи бўлимга 4 дақиқа қўшиб берди. 94-дақиқа "Рубин" футболчисининг зарбасидан сўнг тўп устунга тегди. 98-дақиқада эса мезбонлар жарима зарбасини амалга оширган пайтда Остон Ўрунов ўз жарима майдони ичида рақиб футболчиси Тальбининг оёғидан босиб, уни йиқитда. Ҳакам эса VAR билан маслаҳатлашди, вазият видеотакрорини томоша қилди. Натижада у пенальти белгилаб, ўзбекистонлик футболчига сариқ карточка кўрсатди.

Бу сафар ҳам масъулиятни ЛИсакович ўз зиммасига олди ва пенальтини тепди. Тўп эса устунга тегиб, майдонни тарк этди.

Шу тариқа, "Рубин" қуйи лигага йўл олди. "Уфа" эса РПЛда жон сақлаб қолиш учун қуйи лига жамоаларидан бири билан плей-офф баҳсида иштирок этади.