"Ювентус" бош мураббийи Массимилиано Аллегри тажрибали юлдузларнинг бўлажак харидларини эълон қилди.
"Бизда аллақачон беш нафар иқтидорли ёш ўйинчилар бор: Влаҳович, Локателли, де Лигт, Кеса ва Миретти, улар биринчи жамоада муваффақиятли ўйин ўтказган. Ўйлайманки, улар аста-секин ривожланади.
Аммо ёшлар билан ғалаба қозониш жуда қийин иш, тажриба ва ёшликни уйғунлаштириш керак. Ёши катталар ёш ўйинчиларнинг камолотга етишига ва яхшиланишига ёрдам беради. Бизга таркибни шакллантиришда мувозанат керак", - деди Аллегри Sky Sport Italia нашрига берган интервьюсида.
Нуфузли манбаларга кўра, "Ювентус" 29 ёшли Пол Погба ва 34 ёшли Анхель ди Мария билан музокараларнинг ҳал қилувчи босқичида.
