"Челси"нинг чап қанот ҳимоячиси Маркос Алонсо кейинги мавсумда ҳам жамоада қолишни режалаштирмаяпти.

Испаниялик футболчининг шартномаси бир йилдан кейин тугайди, бироқ футболчи на шартномани узайтириш, на шартнома тугашини кутиш ниятида эмас. У яқин орада кетишни режалаштирмоқда.

Инсайдер Фабрицио Романонинг сўзларига кўра, 31 ёшли ҳимоячи "Барселона" билан шахсий музокараларни давом эттирмоқда, аммо улар ҳали "Челси" билан мумкин бўлган трансфер нархини муҳокама қилмаган.

Маркос Алонсо "кўклар" сафида 2016 йилдан бери тўп тепади. У "Челси" сафида 212 та ўйинда майдонга тушиб, 29 та гол ва 20 дан ортиқ голли узатмага муаллифлик қилган.