Шу йилнинг ёзида "Севилья" билан шартномаси якунланадиган Малилик ҳужумчи Фредерик Кануте фаолиятини Эроннинг "Мис Кирмон" жамоасида давом эттиради. Бу ҳақда футболчининг ўзи Эрон матбуотига маълум қилди.
"Биз етарли музокара олиб бордик ва келишувга эришдик. Менинг шартномам бир йилга мўлжалланган", - дейди Кануте.
Кануте "Севилья" сафида 2005 йилдан буён тўп суриб келган эди. Бу мавсумда Малилик футболчи аксарият ўйинларда заҳирадан тушганига қарамай, 8 та гол урган ва 3 голли узатма берган.