Лондоннинг “Челси” клубини Тодд Бёли консорциумига сотиш жараёни шу ҳафта якунланиши керак. Жейкоб Стейнбергнинг сўзларига кўра, Буюк Британия ҳукумати келишувни маъқуллашга тайёр.
Олдинроқ томонлар Роман Абрамовичнинг клубни сотиш учун маблағни қайси ҳисоб рақамига тушиши масаласини ҳал қила олмаган эди. Ҳукумат пулнинг хайрия ишларига сарфланишига ишонч ҳосил қилиш учун учинчи шахслар ҳисобига ўтишини хоҳлади. Энди бу масала ҳал қилинди.
Тодд Бёлининг ўзи "Челси"нинг 2021/22 йилги мавсумдаги "Уотфорд"га қарши "Стемфорд Бриж"да бўлиб ўтган сўнгги ўйинида иштирок этган. Ўша баҳсда “кўклар” 2:1 ҳисобида ғалаба қозонишди.
