Londonning “Chelsi” klubini Todd Byoli konsorsiumiga sotish jarayoni shu hafta yakunlanishi kerak. Jeykob Steynbergning so‘zlariga ko‘ra, Buyuk Britaniya hukumati kelishuvni ma’qullashga tayyor.
Oldinroq tomonlar Roman Abramovichning klubni sotish uchun mablag‘ni qaysi hisob raqamiga tushishi masalasini hal qila olmagan edi. Hukumat pulning xayriya ishlariga sarflanishiga ishonch hosil qilish uchun uchinchi shaxslar hisobiga o‘tishini xohladi. Endi bu masala hal qilindi.
Todd Byolining o‘zi "Chelsi"ning 2021/22 yilgi mavsumdagi "Uotford"ga qarshi "Stemford Brij"da bo‘lib o‘tgan so‘nggi o‘yinida ishtirok etgan. O‘sha bahsda “ko‘klar” 2:1 hisobida g‘alaba qozonishdi.
