Москванинг “Спартак” клуби собиқ бош мураббийи Руй Витория Испаниянинг “Валенсия” клубида иш бошлаши мумкин. Бу ҳақда Plaza Deportivo хабар бермоқда.

Манбага кўра, “кўршапалаклар” вакили аввалроқ Европада ишлаш истагини билдирган 52 ёшли португалиялик мутахассиснинг агентлари билан боғланган.

Қайд этилишича, “Валенсия” раҳбарияти клубнинг амалдаги бош мураббийи Хосе Бордалас билан келишмовчиликка учраган. Материалда айтилишича, Бордалас билан келишувда икки томондан бирига 1 миллион евродан кам миқдорда тўлаб, шартномани бир томонлама бекор қилиш имконини берувчи банд бор.