Moskvaning “Spartak” klubi sobiq bosh murabbiyi Ruy Vitoriya Ispaniyaning “Valensiya” klubida ish boshlashi mumkin. Bu haqda Plaza Deportivo xabar bermoqda.
Manbaga ko‘ra, “ko‘rshapalaklar” vakili avvalroq Yevropada ishlash istagini bildirgan 52 yoshli portugaliyalik mutaxassisning agentlari bilan bog‘langan.
Qayd etilishicha, “Valensiya” rahbariyati klubning amaldagi bosh murabbiyi Xose Bordalas bilan kelishmovchilikka uchragan. Materialda aytilishicha, Bordalas bilan kelishuvda ikki tomondan biriga 1 million yevrodan kam miqdorda to‘lab, shartnomani bir tomonlama bekor qilish imkonini beruvchi band bor.
