"Манчестер Юнайтед" ҳужумчиси Маркус Рэшфорд келаси мавсумда ҳам жамоада қолишни истамоқда. Олдинроқ футболчи шартномани узайтириш ниятида эмаслиги ва шу ёзда жамоани тарк этмоқчилиги ҳақида хабар берилган эди, бироқ The Telegraph хабарига кўра, англиялик янги бош мураббий Эрик тен Хагни ҳайратда қолдириш учун "Олд Траффорд"да қолмоқчи.
Эслатиб ўтамиз, бу мавсумда Рэшфорд Ральф Рангник қўл остида "Манчестер Юнайтед" таркибида барқарор ўйинчи бўлмаганди. Футболчи бу ўринни жамоада Криштиану Роналдунинг борлиги сабабли йўқотди, Роналду жорий мавсумда клубнинг барча мусобақаларда энг яхши тўпурарига айланган.
