"Рома" бош мураббийи Жозе Моуриньо Конференциялар лигаси финалида "Фейеноорд"га қарши ўйин олдидан жамоанинг кайфияти ҳақида гапирди.
“Қисқа вақт ичида иккита финалда ўйнашимиз керак эди. Биз чемпионатда биринчи ўйинни ўтказдик, унда 3:0 ҳисобида ғалаба қозондик ва Европа Лигасига йўлланма олдик. Энди биз еврокубокларда ғалаба қозониб, тарих яратишимиз керак", - деди Моуриньо матбуот анжуманида.
Эслатиб ўтамиз, эртага "Рома" - "Фейеноорд" учрашуви Тошкент вақти билан соат 00:00да бошланади. Моуриньо учун бу фаолиятидаги бешинчи еврокубок финали бўлади.
