"Ливерпуль" ҳимоячиси Эндрю Робертсон бундай муҳим учрашувларда майдонга тушишига ҳеч қачон ишонмаганини тан олди.
"Мен нима бўлганини орзу ҳам қила олмадим, лекин босиб ўтган йўлимдан ва у қандай бўлганидан хурсандман", - деди 28 ёшли футболчи УЕФА расмий сайтига.
Якшанба кунги Чемпионлар лигаси финали шотландиялик ҳимоячининг фаолиятидаги учинчиси бўлади.
"Агар сиз мени "Куинс-Парк"да бўлган пайтларимга олиб бориб, шундай катта ўйинлар ўйнашимни айтсангиз, юзингизга кулиб юборган бўлардим" - деди Робертсон.
“Ливерпуль” ва “Реал” ўртасидаги финал ўйини 29 май якшанба куни соат 00:00да Парижда бўлиб ўтади.