"Рома" бош мураббийи Жозе Моуриньо бугун жамоаси Конференциялар Лигаси финалида мағлуб бўлган тақдирда ҳам камдан-кам учрайдиган натижани қайд этади.
Португалиялик уч хил еврокубок турнирлари финалида иштирок этган тарихдаги бешинчи мураббийга айланади. Бунгача фақат Арсен Венгер, Жованни Трапаттони, Удо Латтек ва Свен-Йоран Эрикссон каби мутахассисларгина буни уддалашган, деб хабар беради Opta.
Жозе Моуриньо бошчилигидаги “Рома” Конференция лигаси финалида Голландиянинг “Фейеноорд” клубига қарши ўйнайди. Илгари “specialone” Чемпионлар лигаси (“Порту” ва “Интер” билан) ва УEФА кубоги/Европа лигаси (“Порту” ва “Манчестер Юнайтед” билан) финалига чиққан эди.
