"Реал" 2021/2022 йилги мавсум якунларини сарҳисоб қилди. Франциялик ҳужумчи Карим Бензема жамоанинг энг яхши футболчиси деб топилди, деб хабар беради клуб матбуот хизмати.
“Ушбу мукофотни олганимдан фахрланаман. Бу мен учун ҳам самарали ҳаракатлар ва қўлга киритилган совринлар бўйича ажойиб мавсум бўлди», - деди ҳужумчи «Қироллик клуби» расмий сайтига.
2021/2022 йилги мавсумда франциялик тўпурар турли турнирларда 45 та ўйинда қатнашиб, 44 та гол ва 15 та голли узатмани амалга оширди. "Реал" билан биргаликда Испания чемпионати ғолиби ва мамлакат Суперкубоги соҳибига айланди.
28 май куни Карим шериклари билан биргаликда “Ливерпул”ни мағлуб этса, Чемпионлар лигаси ғолибига айланиши мумкин.