"Барселона" 39 ёшли ҳимоячи Дани Алвеш билан шартномани узайтиришга яқин турибди, дея хабар беради UOL нашри.
Эслатиб ўтамиз, бразилиялик футболчи 2008 йилдан 2016 йилгача Каталония клубини ҳимоя қилган. Кейин фаолиятини "Ювентус", "ПСЖ" ва "Сан-Паулу" клубларида давом эттирган Алвеш ўтган йилнинг ноябрь ойида "Барселона"га қайтганди. Футболчининг Каталония клуби билан амалдаги шартномаси шу йилнинг ёзида якунига етади.
Ўтган мавсумда ҳимоячи "кўк-анорранглилар" сафида 16та ўйин ўтказиб, битта гол урди ва 3та голли узатмага муаллифлик қилган.
"Барселона" таркибида Алвеш олти карра Испания чемпиони ва уч карра Чемпионлар лигаси ғолибига айланди.