“Ливерпуль” дарвозабони Алиссон Беккер “Реал”нинг кучли томонларини билишини айтди. Эслатиб ўтамиз, Юрген Клопп шогирдлари эртага "қаймоқранглилар"га қарши Чемпионлар лигаси финалида ўйнайди.
“Биз ўз ўйинимизни намойиш этишимиз керак. Улар қанчалик яхши, қанчалик шаклланган клуб эканини биламиз. Уларда тажрибали жамоа ва яхши ҳимоячилар борлигидан ҳам хабардорман. Аммо биз улардан кучлимиз", - дея Алиссоннинг сўзларини келтирмоқда "Ливерпуль" расмий сайти.
Эслатиб ўтамиз, Алиссон учун бу унинг фаолиятидаги иккинчи Чемпионлар лигаси финали бўлади. Бразилиялик футболчи 2019 йилда “Тоттенхэм”га қарши ўйинда ғалаба қозонган.
