«Милан» ҳужумчиси Рафаэль Леау «Реал»га ўтиши ҳақидаги миш-мишлардан хурсанд эканлигини яшириб ўтирмади.
Шу билан бирга, португалиялик мутахассис «россонерилар» лагерида тажрибали футболчилар билан бирга ўйнашни ёқтиришини таъкидлади.
«Мен «Милан»даман, бу клубда бахтлиман. Бу ерда икки йиллик шартномам бор ва ўзимни уйдагидек ҳис қиламан.
«Реал Мадрид»га ўтиш ҳақидаги миш-мишлар мени хурсанд қилади, лекин мен шунчаки ишлашда давом этишни ва кундан-кунга яхшиланишни хоҳлайман», - дея футболчининг сўзларидан иқтибос келтиради Football Italia.
