Лондоннинг “Тоттенхэм” клуби ярим ҳимоячиси Джованни Ло Чельсо учун 20 миллион евро сўраяпти. Фабрицио Романонинг сўзларига кўра, аргентиналик футболчини "Вильярреал" сотиб олмоқчи.
Манбага кўра, Ло Чельсо ҳақиқатан ҳам "Вильярреал" манфаатлари доирасига киритилган. Футболчи ўз ўйини билан "сариқ сувости кемаси" раҳбариятини ҳайратда қолдирди. Қайд этилишича, клублар трансфер шартлари бўйича ҳалигача келишмаган.
Қишда “Вильярреал”га келиб қўшилган Ло Чельсо Испания чемпионатида битта гол урди ва голли узатмани амалга оширди.