"Реал"нинг собиқ ҳимоячиси Роберто Карлос "Ливерпуль" мухлисларининг бразилиялик футболчиларига қандай муносабатда бўлишини кўрганидан хурсанд эканлигини айтди.
Мерсисайдликлар сафида учта бразилиялик бор - Роберто Фирмино, Фабиньо ва Алиссон Беккер. Шунингдек, Испания фуқаролигига эга ярим ҳимоячи Тиаго Алкантара ҳам асли бразилиялик.
“Ливерпуль” мухлислари ўзлари учун ўйнаётган бразилияликларни яхши кўришларидан жуда хурсандман. Бу футболчиларда дунёнинг энг йирик клубларидан бирида ўйнаш имкони бор - бу улар учун ҳам, Бразилиянинг ўзи учун ҳам катта шараф", - дея Карлоснинг сўзларини келтиради Liverpool Echo.
