"Интер" ярим ҳимоячиси Иван Перишич "Тоттенхэм"га ўтишга яқин турибди. Жанлука ди Марцио хабарига кўра, хорватиялик футболчи "нерадзурри" бош мураббийи Симоне Индзаги яқин орада "Тоттенхэм"да тиббий кўрикдан ўтиши ҳақида огоҳлантирган.

Эслатиб ўтамиз, аввалроқ Перишич "Интер"нинг шартномани узайтириш таклифини қабул қилишдан бош тортган эди. Унинг собиқ устози Антонио Конте ишлаётган "Тоттенхэм" хорватнинг молиявий талабларини қондиришга рози бўлди, шунинг учун футболчи Лондонга кўчиб ўтиш вариантини танлади.

Яқинда Перишич Италия кубоги финалида дубл қайд этди ва бу "Интер"га "Ювентус" устидан қозонилган ғалабани нишонлаш имконини берди.