Россия Премьер-лигаси йўлланмаси учун плей-офф босқичининг жавоб учрашуви бўлиб ўтди. «Уфа» ўз майдонида «Оренбург»ни қабул қилиб, имкониятни бой берди.

Меҳмонлар ғалаба тўпини иккинчи бўлимга қўшиб берилган 4-дақиқада киритишди. Остон Ўрунов бугунги баҳсда тўлиқ ҳаракат қилган бўлса, у дастлабки ўйинни ўтказиб юборганди. Илк баҳсда "Уфа" сафардан 2:2 ҳисобидаги дуранг билан қайтганди. Бугунги ўйинда бошқирдистонликларни 1:1 ҳисобидаги дуранг ҳам қаноатлантирар эди.

"Уфа" РПЛдаги кетма-кет 8 йиллик фаолиятидан сўнг қуйи лигага тушиб кетди. "Оренбург" эса келгуси мавсумда Премьер-лигада иштирок этади.

Россия. РПЛ. Ўйин босқичи, жавоб ўйини
Уфа – Оренбург – 1:2 (1:1)
Голлар: 0:1 – Фамейе, 13; 1:1 – Журавлев, 44; 1:2 – Малих, 90+4.
«Уфа»: Чичкан, Сухов (Ортис, 38), Журавлев, Никитин, Плиев, Кабутов, Иванов, Камилов (Фищенко, 85), Ўрунов, Касинтура (Йокич, 62), Агаларов (Мрзляк, 85).
«Оренбург»: Гошев, Сиваков, Аюпов, Малих, Обухов (Титков, 62 (Корян, 82)), Гойкович, Ковалeв (Сичевой, 83), Эктов, Фамейе (Хотулев, 90+6), Бреев (Полуяхтов, 46), Капленко.
Огоҳлантиришлар: Касинтура, 38; Журавлев, 52; Камилов, 57; Плиев, 64; Ортис, 72 – Малых, 60; Титков, 80; Сиваков, 90+2.
Дастлабки ўйин: 2:2.