"Манчестер Юнайтед" "Челси" ярим ҳимоячиси НГоло Кантега қизиқиш билдирмоқда, дея хабар беради Guardian.
Манбага кўра, "Юнайтед" бу ёзда ўз ярим ҳимоясини кучайтирмоқчи, янги бош мураббий Эрик тен Хаг "Челси" 31 ёшли футболчини сотиш бўйича музокараларга тайёрми ёки йўқлигини текширмоқда.
Франциялик футболчининг “Челси” билан шартномаси 2023 йилнинг ёзида якунига етади.
2021/22 йилги мавсумда Канте жамоа сафида барча турнирларда 42 та ўйинда майдонга тушиб, 2 та гол урди ва 5 та голли узатмани амалга оширди.













