"Тоттенхэм" ҳужумчиси Сон Хён Мин фаолиятини "Ливерпуль"да давом эттириши мумкин эди. Бу ҳақда Daily Mail портали хабар берди.
Манбага кўра, "қизиллар" агарда "Тоттенхэм" ЕЧЛ йўлланмасини қўлга кирита олмаса, кореялик футболчини ўз сафига қўшиб олишни режалаштирганди. Бироқ, Конте бошчилигидаги "шпорлар" Чемпионлар лигасига йўл олгач бу режалар пучга чиқди.
29 ёшли Сон Хён Мин жорий мавсумда Лондон клуби таркибида жами 45 та ўйинда майдонга тушиб, 24 та гол ва 10 та голли узатма амалга оширди. Унинг шартномаси 2025 йилгача мўлжалланган.