"Интер" ёзда "Челси" ҳужумчиси Ромелу Лукакуни сотиб олмоқчи, дея хабар беради Calciomercato. У тез орада А Серияга қайтиши мумкин.
Нашрнинг ёзишича, миланликлар белгиялик ҳужумчининг агенти билан музокараларни бошлаб юборишган. Бош мураббий Симоне Индзаги футболчининг трансферидан манфаатдор, у Лукакунинг трансферини жамоа учун устувор вазифа деб билади.
Ромелу "Челси"да 2021 йилнинг августидан бери ўйнамоқда, у "Интер"дан 113 миллион евро эвазига трансфер қилинган эди.
Унинг шартномаси 2026 йилнинг 30 июнига қадар амал қилади.